10種禮物Giver，你屬於邊種？

聖誕過咗，好快又新年，跟住又到農曆新年，然後到你生日、佢生日、乜乜紀念日、乜乜週年等等，總之每年都有好幾次送禮物嘅機會。收禮物嗰個會好開心，但其實送禮物畀人都好開心，見到對方真心鍾意你份禮物，更加會令你有種飄飄然嘅感覺。講起送禮物，有人鍾意送得意嘢；有人鍾意送實際嘢；有人鍾意送自己鍾意嘅嘢，以下10種禮物Giver，你屬於邊種？

1. 實際型
   哩類Giver最怕就係自己份禮物會阻到人，所以實實際際可以用就最好。
   
2. 自我型
   我鍾意你，你又鍾意我，所以我鍾意嘅嘢你都一定會鍾意。
   
3. 提醒型
   見你係地獄廚神，就會特登買本手殘女食譜畀你；見你減肥永遠都唔成功，就送運動用品畀你，務求提醒你一啲你已經唔記得/唔想記得嘅嘢。
   
4. 無聊型
   最鍾意送啲得啖笑嘅禮物，朋友收到1刻會可能會笑得好燦爛，之後佢就會開始煩惱點處置份禮物。
   
5. 估你唔到型
   SURPRISE！

1. 二手型
   都係環保型嘅，自己唔啱用，可能人哋啱用呢。
   
2. 我有你都要有型
   我哋係好朋友嚟㗎嘛，有好嘢冇理由唔同你分享啫？
   
3. 愛心型
   善良嘅你會放眼世界所有有需要嘅人，施比受更為有福，一於心意至上。
   
4. DIY型
   連幼稚園美勞都可以拎C嘅小編，特別羨慕有1雙巧手嘅朋友，就算只係簡簡單單整1張心意卡，都已經甚具收藏價值，更何況係啱你用嘅嘢？
   
5. 完美型
   花紙、絲帶、心意卡同埋份禮物係有襯過㗎！一定要 1 Set 咁送，缺一不可！
   

送禮物都係講心意，只要你有心，收嗰個一定會開心。佢係咩類型又咩所謂吖，最緊要都係大家識珍惜會送禮物畀對方嘅嗰位啫！