我的男朋友，很煩、很煩，甚至比我的母親大人煩。
從早就晚，喋喋不休，「你又咁夜瞓？」「又食放題？」「食咗飯未？」「幾時exam？」我所有的事務，他都會弄清楚、記清楚。處女座的男人，也許就是細心到會令你得煩。
之前我牙痛，痛了好幾日，跟他輕輕帶過後，他久不久就會提醒我要看牙醫。但我這個人，覺得丁點兒牙痛實屬小事。不過到最近，我終於難忍牙痛，到口腔發炎才知道問題的嚴重性，然後去看牙醫，才得悉原來已經蛀牙蛀入神經線，要杜牙根！
怎料他卻擺出一副勝利樣子，笑著道：「都話咗你㗎啦！早幾個月唔睇，依家要杜牙根啦！」但轉個頭又表示同情，「溫柔」地說：「係咪好痛呀？醫生點講呀？」接著幾天，又繼續煩呀煩呀煩呀。
除了他的「體貼呵護」之外，他還有很多「唔准」。
「唔准飲凍嘢呀，黎M呀你！」「唔准食奶製品同牛肉呀！」「唔准再飲酒呀！」「唔准再著背心呀，天氣涼啦！」
但有一次，我偷點了肥牛飯，打算在他來到之前清光，但最後還是被他發現了。「做乜食牛呀你？」他問。「…呃……我想食嘛……」哎呀！有人發現了！怎料他竟沒有責備我，還很「體貼」地吃掉了所有肥牛，然後說：「都係為咗你好啫，等陣皮膚又敏感。下次唔好食了！」我點點頭，心裡暗暗感動。
有次我跟母親「呻」：「佢真係好煩！咩都關佢事，咩都問一餐！」母親笑了，道：「煩先好呀！佢唔煩你，你就驚啦！」所言甚是。適當的問候、「唔准」，其實不過是他表達愛的方式而已。雖然有時「燥底」時，他還要加句「唔准」，令我氣得七竅生煙，但整體來說，我都知道他真的著緊我，真的在乎我，真的把我的一切記在心裡。
「葉生，你試下再係咁夜瞓呀？！下次無湯飲㗎！」
「遵命！」
