唔想拍拖遇到仆街?

好多女仔失戀之後就會呻,點解次次都遇到仆街。其實愛情真係會令人盲目,尤其是好多女仔喺曖昧期間,好容易俾男方嘅熱烈追求,而冇睇清楚究竟對方係一個點樣嘅人,究竟對方係咪同自己真係夾?唔想再喊住呻俾人飛咗之後先睇清楚佢面目,咁拍拖前就好應該留意吓以下5點:

pexels-photo-38940-large

1  有冇朋友?

留意對方多唔多朋友,冇乜朋友好可能係因為佢性格有問題,或者之前已經臭晒朵。仲有留意佢嘅朋友圈子係一類點樣嘅人,近朱者赤,近墨者黑,如果佢班Friend係一班食女無數嘅花花公子,咁你就要諗清楚,究竟呢個男仔係咪都係玩家啦。

lights-party-dancing-music-large

2  你哋喺邊度識?

如果你哋係落Club識嘅,當然對方係玩家嘅可能性都會大大提高。如果你哋喺學校認識,之間仲有好多common friend,通常都比較穩陣,俾人玩嘅機會大大減低,因為邊個唔驚臭朵,仲有啲friend同自己絕交!

bench-sea-sunny-man-large

3  放自己喺第一位?

喺曖昧期間,對方有冇放自己喺特別位置,都係考慮因素之一。如果除咗你之外,仲同其他女仔搞曖昧,關係唔清唔楚,當然唔要得。如果拍拖前都唔將你放喺第一位,到日後你都唔洗旨意自己有咩地位可言!

people-mother-family-father-large

4  點對屋企人?

熱戀期好快就會過,拍多幾年拖,愛情都會變成感情。留意佢點對自己屋企人,或多或少都可以睇得出佢點對自己摯親嘅人。

portrait-angry-large

5  脾氣臭唔臭?

留意佢同屋企人、朋友點樣相處,佢係咪一個脾氣差嘅人,好容易好少事就會激到佢發嬲。日後拍拖朝夕相對,要一齊面對大大小小嘅問題,如果伴侶係一個脾氣差嘅男人,都幾難相處,亦都唔洗旨意會遷就自己。

pexels-photo-40525-large

6  價值觀一致?

拍拖前最重要的事是多聊天,上至天文地理,下至新聞時事,了解一下對方的價值觀跟自己夾唔夾,呢點真係好重要,價值觀一致的情侶才能走更遠的路。