18725
18725
1:44 下午

男朋友唔開心,點算好?

好多人成日都話男人收收埋埋,有唔開心唔會講出嚟,唔似女仔咁有咩唔開心會搵姊妹傾訴。無錯,男人同女人本來就係唔同種類嘅人,所以當男朋友唔主動同你講發生咩事唔開心嘅時候,唔好覺得對方想呃你同你好生疏,大部分時候對方都只係想要啲時間自己冷靜下。

如果喺呢個時候,你sense到對方唔開心,但對方又未可以同你打開心房傾訴呢件事嘅時候,作為好女友嘅你,其實只需要做呢3件事。

1)畀空間對方冷靜,表示你體諒對方情況,並且會喺佢身邊支持

首先冷靜自己情緒,千其唔好悲劇女主角上身「點解佢唔肯同我講,唔肯同我分享,佢到底當唔當我係女朋友」。每個人都會有唔開心嘅時候,唔想講住亦有個人嘅理由,只需要畀對方知道,佢需要你嘅時候你會喺佢身邊,咁就足夠,無需要再多加意見。

 

2)好好利用女仔最強大武器:氹下嗲下對方

無論你平日幾男人婆,幾man幾粗魯,喺男朋友面前都係一個女仔。既然係咁,就要好好利用下女性天賦,利用你僅有嘅少少女人味同可愛嗲下男朋友,煮咗嘢可以餵下對方食,靜靜地攬下對方,其實男朋友見到女友肯為自己扮下可愛同嗲下已經好開心,可能男朋友搣搣你面珠都已經開心返10%。

 

3)陪對方散心,做啲輕鬆嘅活動開心下

作為女朋友,你一定會好清楚男友飛佛嘅消閒活動。男人愛好不外乎打機、踢波、跑步,玩音樂,喺男朋友唔開心嘅時候,不妨主動提出一齊去散散心,一齊去打division,一齊去跑步鬥跑得多個圈,希望可以令對方暫時忘記呢種負面情緒,同你過返一個開心輕鬆嘅下午。

講到尾,呢幾個tips當然唔至適用喺男朋友相處身上,其實平時日常生活同朋友、家人嘅相處都會用得著。最近負能量滿滿祝大家開開心心,情侶幸幸福福~

作者:豬皮