18828
18828
六月 10,2016

點解有女朋友仲要打飛機?

dafeigeichunlo

我知道好多姐妹都唔明點解啲男人可以日日打飛機,仲要拍咗拖都係咁。作為一個女人,春露小姐我覺得如果自己個男人寧願長期自己打飛機都唔同我攪嘢先會嬲嬲豬,如果唔係平時佢鍾意打幾多次飛機我都無咩所謂。不過對某啲男人嚟講,打飛機係有啲特別意思嘅。

 

1. 打飛機快靚正

有好多男性朋友都話同另一半做愛呢係好爽歪歪,不過又要前戲又要攬又要鍚,有時都幾攰。如果自己打飛機根本唔洗理對手舒唔舒服,唔洗等埋對方高潮,又唔洗換姿勢,體力消耗少好多,只要滿足到自己就可以啦。所以有時攰得滯又想有高潮嘅感覺,就寧願打飛機啦。

 

2. 可以睇住心愛嘅AV

每個男人都總有一兩個心愛嘅女優同AV情節,有啲鍾意睇自拍,有啲鍾意玩制服,有啲鍾意睇強姦,睇嘅期間可以無限想像自己就係男主角,好似女人鍾意睇韓劇咁。加上好多AV情節係現實世界根本無機會做,好似唔係個個女朋友都肯畀你顏射,唯有打飛機時用幻想幫補下。

 

3. 習慣咗

畢竟自己隻左右手由細跟到大,邊個位最舒服最敏感一早就知,有啲位置可能係做愛時反而刺激唔到。所以自己嚟完全可以一開始就到位,速度同觸感都習慣哂,唔洗花時間摸索同熱身。又,有啲男仔話打咗咁耐飛機,耐唔耐都好似探下啲舊朋友咁會想自己嚟返一兩劑喎。

 

4. 個人時間/空間

打飛機通常都係啲夜闌人靜同好私人嘅地方做,好似床同廁所,個腦又可以完全放空,無責任地諗咩都得,非常relax。其實聽落都覺得好減壓,所以好多男人都會視打飛機時為一個人休息嘅狀態,個感覺應該有啲似你屙屎時唔想畀人嘈,然後全情投入個種暢快感覺。

 

5. 生理需要

真心,有啲男人係會係好突然嘅情況扯旗,好似做做下嘢好眼瞓都會扯旗,咁女朋友又唔係成日係身邊,遠水不能救近火,谷得多又真係有人話會好唔舒服。更何況女朋友又唔係性奴,總唔可以想攪嘢就叫對方嚟嘅,咁唯有自己攪點啦。

 

6. 土地問題

係囉,土地問題呀,唔係個個都可以話想攪嘢就可以攪到嘢㗎,要就屋企狀況,身體狀況,酒店狀況,要夾哂天時地利人和,爭啲要睇埋你地時辰八字添呀。要多方面配合先可以攪一次嘢,其實大家都身心疲勞,咁男人等唔到,咪要自己嚟咗先囉。不過又咁諗,通常定期出下火,造愛嘅時間都可以耐少少嘅。

 

有唔少姐妹可能會覺得男人有女朋友都要打飛機係咪自己滿足唔到對方,或者覺得對方好咸濕,又或者覺得對方唔夠愛自己,但係有啲生理嘅嘢真係控制唔到嘅。即係男人都唔明點解女人要化妝化成粒鐘啦,又唔明點解姨媽到就一定會發脾氣,同埋姐妹們鍾意成日睇oppa都唔代表唔愛身邊個個嘅,有好多嘢大家都係要互相遷就。