18747
18747
六月 14,2016

一諗到要成個人硬晒咁洗頭,就唔想出去剪頭髮。

cover298

夏日熱辣辣,好熱好熱!熱到想而家即刻去剪頭髮!但一諗到要同髮型師傾偈,同埋要成個人硬晒咁洗頭⋯⋯都係諗吓先。所以話,出去剪頭髮真係好煩㗎,以下煩惱你又有冇經歷過?

首先,係洗頭時候會遇到嘅煩惱。如果你試過幫人洗頭,又或者你試過睇住人哋畀人洗頭,你就會知被洗嗰位個樣會好奇怪。雙下巴三下巴會出晒嚟,一諗起就覺得自己咩形象都冇晒。
salon1

 

「有冇邊個位痕呀?」「Er⋯⋯冇呀唔該。」「頭頂呢?」「Ok呀唔該。」畀人按摩個感覺又係好奇怪。
salon3

 

最煩係人哋幫你洗頭(尤其要按摩頭後方)嗰陣,你唔敢完全瞓落人地隻手度,成個人硬晒唔知想點。
salon2

 

洗完頭,就到重點剪頭髮。好多髮型師都好叻,但叻人永遠都有自己一套。你一坐低,髮型師會問你:「想點剪。」可能係你表達能力有問題,佢同你硬係搭唔到同一個Channel,明明佢話知你想點剪但最後都剪唔到你想要嘅效果(你肯完全相信佢另計)
salon4

 

成日要傾偈都好煩。因為唔想Dead Air,髮型師會主動同你傾偈,可能係問吓「讀書定做嘢呀?」「返工辛唔辛苦?」「平時放假會做咩?」你知髮型師都好攰,你可能想佢唔講嘢專心幫你剪頭髮多啲,但好可惜,佢唔知原來你咁諗。
salon6

 

剪少少變剪好多。「我幫你修吓傷咗嘅髮尾啦。」應該係因為你啲髮尾真係太傷,一剪就冇咗勁多。不過唔緊要啦,你係想要短髮吖嘛。
salon7

 

唔知價。每次入到Salon都會驚,因為你根本未睇清楚個價錢牌就坐咗埋位。「死啦,呢度裝修咁靚,幾百蚊走唔甩喇!」
salon5

 

揀Plan唔識揀。剪髮之餘你可能仲會染髮電髮或者做吓Treatment,髮型師會好有心機咁介紹啲Plan畀你,總之都係建議你揀隻貴少少,冇咁傷。所以如果要你揀,你通常都唔會揀最平嗰隻,但貴啲嗰個Plan又真係有啲貴⋯⋯
salon8

 

喂啊哥!我想剪個髮啫!T^T